Połny wóz cokorowych titow /  Ein Wagen voll mit Zuckertüten

Dołho běchu 26 předšulskich dźěći z Pančic-Kukowa a wokolnych wsow na wulki dźeń čakali. Zhromadnje ze swójbnymi běchu sobotu, dnja 11.08.2018 do rjenje wupyšeneje sportoweje hale Serbskeje zakładneje šule „Šula Ćišinskeho“ přichwatali. Njesćerpnje čakachu nětko šulscy nowačcy w prěnich rynkach na witanje. Spočatnje zwjeselichu jich dźěći  2. lětnika z lóštnym programom. W tutym so nowačkam hižo pokazaše, kotre najwažniše šulske knihi maš stajnje při sebi měć. Tohorunja běchu dźěći 2. lětnika cyle hordźe pokazać, što su w jich prěnim šulskim lěće hižo wšitko nawuknyli. Nětko pak běše najwjetši čas za cokorowe tity! Tři króć dyrbjachu šulscy nowačcy za palčikami wołać, doniž su so woni z ćežkim wozyčkom a połnymaj rukomaj do hale namakali. Cokorowa tita bě za kóžde dźěćo najwjetše wjeselo. Ale dyrbjachu ju bórze zaso staršimaj wotedać. Zhromadnje z rjadowniskimaj wučerjomaj ćehnjechu z tobołu na chribjeće do šule, zo bychu sej tam hižo rjadownisku rumnosć a městno w rjadowni wobhladali. Skónčnje dósta tež kóžde, nětko šulske dźěćo, wšitke knihi a zešiwki sobu domoj. Póndźelu, na prěnim šulskim dnju, mějachmy potom 26 wćipnych a nowych šulerjow na našej zakładnej šuli.  

Lange haben die 26 Vorschulkinder aus Panschwitz-Kuckau und den umliegenden Dörfern auf ihren großen Tag gewartet. Gemeinsam mit ihren Familien kamen sie am Samstag, den 11.08.2018 in die festlich geschmückte Sporthalle der Sorbischen Grundschule „Šula Ćišinskeho”. Ungeduldig warteten nun die Schulanfänger in den ersten Reihen auf die Begrüßung. Zu Beginn zeigten die Kinder der 2. Klasse ein buntes Programm. In diesem wurde den Neulingen gezeigt, welche wichtigen Schulsachen sie immer in der Schule dabeihaben sollen. Gleichzeitig waren die Kinder der 2. Klasse ganz stolz darauf, zeigen zu können, was sie in ihrem ersten Schuljahr bereits alles gelernt haben. Nun war aber allerhöchste Zeit für die Zuckertüten.  Dreimal mussten die Schulanfänger die Zwerge rufen, bis sie mit einem schweren Wagen und vollen Händen in die Halle fanden. Die Zuckertüte war für jedes Kind die größte Freude. Diese mussten sie jedoch bald schon wieder an die Eltern abgeben. Denn gemeinsam mit ihren Klassenlehrern zogen die Schulkinder mit dem Ranzen auf dem Rücken in die Schule, um sich dort das Klassenzimmer und den Platz in der Klasse anzusehen. Endlich bekam auch jedes Schulkind alle Bücher und Hefte mit nach Hause. Am Montag, dem ersten Schultag, hatten wir dann 26 neugierige, neue Schulkinder an unserer Grundschule.

 

P1270834.jpg P1270837.jpg P1270840.jpg P1270845.jpg
P1270850.jpg P1270851.jpg P1270855.jpg P1270861.jpg
P1270863.jpg P1270865.jpg P1270868.jpg P1270869.jpg
P1270872.jpg P1270876.jpg P1270892.jpg P1270896.jpg